Ձեր բժիշկը սովորաբար կարող է ախտորոշել դիաբետիկ նեյրոպաթիան՝ կատարելով ֆիզիկական քննություն (բուժզննում) և մանրակրկիտ գնահատելով ձեր ախտանիշները և հիվանդության պատմությունը (անամնեզ):
Ձեր բժիշկը սովորաբար ստուգում է ձեր՝
- ընդհանուր մկանային ուժը և տոնուսը
- ջլային ռեֆլեքսները
- Զգայունություն հպման, ցավի, ջերմաստիճանի և թրթռումների նկատմամբ զգայունությունը:
Ֆիզիկական քննության հետ մեկտեղ ձեր բժիշկը կարող է կատարել կամ նշանակել հատուկ թեստեր, որոնք կօգնեն դիաբետիկ նեյրոպաթիայի ախտորոշմանը:
- Թելերի թեստ. փափուկ նեյլոնե մանրաթելը (մոնոֆիլամենտ) քսվում է ձեր մաշկի տարբեր շրջանների վրա՝ ստուգելու ձեր զգայունությունը հպման նկատմամբ:
- Զգայական (սենսոր) թեստ. այս ոչ ինվազիվ թեստն օգտագործվում է ստուգելու համար, թե ինչպես են ձեր նյարդերը արձագանքում թրթռումներին և ջերմաստիճանի փոփոխություններին:
- Նյարդային հաղորդականության թեստ. այս թեստը չափում է, թե որքան արագ են ձեր ձեռքերի և ոտքերի նյարդերը էլեկտրական ազդանշաններ փոխանցում:
- Էլեկտրամիոգրաֆիա. այս թեստը, որը կոչվում է ասեղային թեստավորում, հաճախ կատարվում է նյարդային հաղորդունակության ուսումնասիրությունների հետ մեկտեղ: Այն չափում է ձեր մկաններում արտադրվող էլեկտրական լիցքերը:
- Ավտոնոմ (վեգետատիվ) թեստ. կարող են կատարվել հատուկ թեստեր՝ որոշելու, թե ինչպես է փոխվում ձեր արյան ճնշումը, երբ դուք գտնվում եք տարբեր դիրքերում, և արդյոք ձեր քրտնարտադրությունը գտնվում է ստանդարտ սահմաններում:
Հոդվածը հրապարակվել է՝ 30-04-2023
Վերջին վերանայում՝ 23-04-2024