Գրադարան
Անքնություն. ախտորոշում
1 րոպե
Կախված ձեր իրավիճակից, անքնության ախտորոշումը և պատճառի որոնումը կարող է ներառել որոշ մոտեցումներ:
- Ֆիզիկական քննություն (բուժզննում). եթե անքնության պատճառն անհայտ է, բժիշկը կարող է անցկացնել արտաքին զննում, որ ստուգի այնպիսի առողջական խնդիրների ախտանիշների առկայությունը, որոնք կարող են կապված լինել անքնության հետ: Հազվադեպ կարող է առաջանալ արյան թեստի կարիք, որ ստուգվի վահանաձև գեղձի խնդիրների կամ այլ հիվանդությունների հնարավոր առկայությունը, որոնք կարող են կապված լինել վատ քնի հետ:
- Քնի սովորույթների գնահատում. քնի հետ կապված հարցերից բացի բժիշկը կարող է խնդրել, որ լրացնեք հարցաթերթիկ, որի նպատակը քուն-արթուն վիճակ ցիկլի մանրամասների վերհանումն է և ձեր ցերեկային քնկոտության գնահատումը: Ձեզ նաև կարող է առաջարկվել մի քանի շաբաթվա ընթացքում վարել քնի օրագիր:
- Քնի հետազոտություն. եթե անքնության պատճառը հստակ չէ կամ ունեք մեկ այլ քնի խանգարում, օրինակ՝ քնի ապնոէ կամ անհանգիստ ոտքերի համախտանիշ, ձեր բժիշկը կարող է խորհուրդ տալ, որ անցնեք քնի հետազոտություն: Քնի հետազոտությունը կարող է պահանջել, որ մեկ օր անցկացնեք քնի կենտրոնում (կան նաև տնային սարքեր): Քնի հետազոտությունը թույլ է տալիս վերահսկել և գրանցել քնած ժամանակ ձեր մարմնի շարժումները, գլխուղեղի էլեկտրական ակտիվությունը, շնչառությունը, սրտազարկը, աչքերի և վերջույթների շարժումները:
Հոդվածը տեղադրվել է՝ 08-05-2021 վերանայվել է՝ 29-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը: