Ախտորոշում - Մենոպաուզա

Դաշտանադադար​ի գանգատներն ու ախտանիշները սովորաբար բավական են կանանց մեծամասնությանը հայտնելու համար, որ նրանք սկսել են դաշտանադադարի անցումը:

Եթե մտահոգություն ունեք անկանոն դաշտանների կամ ջերմահորդանքների հետ կապված, խոսեք ձեր բժշկի հետ: Որոշ դեպքերում կարող է առաջարկվել հետագա գնահատում:

Ընդհանուր առմամբ, դաշտանադադարն ախտորոշելու համար արյան անալիզի կարիք չի առաջանում: Սակայն, որոշակի հանգամանքներում ձեր բժիշկը կարող է խորհուրդ տալ հետևյալ արյան թեստերը՝

• ֆոլիկուախթանիչ հորմոն (FSH) և էստրադիոլ (E2), քանի որ դաշտանադադարի ժամանակ ձեր FSH-ի մակարդակը բարձրանում է, իսկ Е2-ի մակարդակը՝ նվազում
• թիրետրոպ հորմոն (TSH), քանի որ թերակտիվ վահանաձև գեղձը (հիպոթիրեոզ) կարող է առաջացնել դաշտանադադարին նմանվող ախտանիշներ:

Առկա են առանց դեղատոմսի տնային թեստեր՝ ձեր մեզի մեջ FSH–ի մակարդակը ստուգելու համար: Դրանք կարող են ցույց տալ, թե արդյոք ձեր FSH–ի մակարդակը բարձրացած է և դուք կարող եք լինել հարդաշտանադադարի (պերիմենոպաուզա) կամ դաշտանադադարի մեջ: Բայց քանի որ FSH-ի մակարդակը բարձրանում և նվազում է դաշտանային ցիկլի ընթացքում, տնային FSH թեստերը չեն կարող ձեզ իրականում ասել՝ դուք հաստատ դաշտանադադարի փուլում եք, թե ոչ: