Լյարդի ոչ ալկոհոլային ճարպային հիվանդություն

​Լյարդի ոչ ալկոհոլային ճարպային հիվանդությունը (ԼՈԱՃՀ) միավորում է լյարդի ախտահարումների խումբ, որոնք հանդիում են ալկոհոլ չօգտագործող կամ քիչ օգտագործող մարդկանց շրջանում:

Ինչպես հուշում է անվանումը, ԼՈԱՃՀ-ի հիմնական բնութագրիչը լյարդի բջիջներում չափից դուրս շատ ճարպի կուտակումն է:

ԼՈԱՃՀ-ի դեպքերն աշխարհում, հատկապես արևմտյան երկրներում հարաճուն հաճախանում են: ԱՄՆ-ում և այլ արևմտյան երկրներում ԼՈԱՃՀ-ը լյարդի քրոնիկ հիվանդության ամենատարածված տեսակն է, որը հայտնաբերվում է մարդկանց շուրջ մեկ քառորդի մոտ:

ԼՈԱՃՀ-ով որոշ անձանց մոտ կարող է զարգանալ ոչ ալկոհոլային ստեատոհեպատիտ (ՈԱՍՀ)` լյարդի ճարպային հիվանդության ագրեսիվ տեսակ, որը բնորոշվում է լյարդի բորբոքմամբ և կարող է վերաճել լյարդի սպիացման (ցիռոզ) ու հանգեցնել լյարդային անբավարարության: Լյարդի այսպիսի ախտահարումը նման է ալկոհոլի մեծ քանակների օգտագործման վնասմանը:

Հոդվածը վերանայվել է՝ 28-09-2021