Լյարդի ոչ ալկոհոլային ճարպային հիվանդություն. բուժում

1 րոպե

Լյարդի ոչ ալկոհոլային ճարպային հիվանդության (ԼՈԱՃՀ) բուժման առաջին գիծը առողջ սննդակարգի և վարժանքների զուգակցմամբ մարմնի քաշի նվազեցումն է:

Ավելցուկային քաշից ազատվելը մեղմացնում է այն վիճակները, որոնք նպաստում են ԼՈԱՃՀ-ի խորացմանը: Լավագույն տարբերակը քաշի 10%-ոց կորուստն է, սակայն հիվանդության ռիսկի գործոնների ազդեցությունը թուլանում է նույնիսկ 3%-5%-ոց նվազեցման դեպքում: Եթե անհրաժեշտ է կարճ ժամանակի ընթացքում մեծ քաշի կորուստ, բժիշկը կարող է առաջարկել քաշը կրճատող վիրահատական միջամտություն:

Եթե ոչ ալկոհոլային ստեատոհեպատիտը (ՈԱՍՀ) բերել է ցիռոզի, կարող է առաջանալ լյարդի փոխպատվաստման կարիք:

Հնարավոր ապագա բուժումներ

Ամերիկյան Սննդի և դեղերի գործակալությունը (FDA) ԼՈԱՃՀ-ի բուժման համար որևէ դեղորայք չի հաստատել, սակայն ներկայում հետազոտվող մի քանի դեղամիջոցներ ցուցաբերում են խոստումնալից արդյունքներ: