Ախտանիշներ - 2-րդ տիպի դիաբետ

2-րդ տիպի դիաբետի գանգատները և ախտանշները հաճախ զարգանում են դանդաղորեն:

Իրականում, դուք կարող եք տարիներ շարունակ ապրել 2-րդ տիպի դիաբետով և չիմանալ այդ մասին:

Եթե առկա են գանգատներ և ախտանշներ, դրանք կարող են ներառել՝

• բարձրացած կամ անհագուրդ ծարավի զգացում
• շատամիզություն, որը դրսևորվում է հաճախամիզությամբ
• բարձրացած քաղցի զգացում կամ շատակերություն
• չնախատեսված քաշի կորուստ
• թուլություն և հոգնածություն
• մշուշոտ (շղարշային) տեսողություն
• դանդաղ ապաքինվող վերքեր կամ խոցեր
• հաճախակի վարակներ
• դաստակների կամ ոտնաթաթերի թմրածություն կամ ծակծկոցներ
• մգացած մաշկի շրջաններ, սովորաբար՝ թևատակերում և պարանոցի վրա:

Ե՞րբ դիմել բժշկին

Այցելեք ձեր բժշկին, եթե նկատել եք 2-րդ տիպի դիաբետի գանգատներից կամ ախտանիշներից որևէ մեկը: