Ախտորոշում - Փսխում

Եթե փսխման պատճառով դիմել եք բժշկին, նա կլսի ձեր գանգատները, կուսումնասիրի հիվանդության պատմությունը և կզննի ձեզ՝ փորձելով գտնել հավանական պատճառը:

Բժիշկը նաև կարող է հարցեր տալ ձեր օգտագործած դեղամիջոցների կամ բուժման այլ տեսակների մասին, որ հասկանա, թե արդյոք փսխումն առաջացել է որպես դրանց կողմնակի ազդեցություն:

Արյան և մեզի թեստերը կարող են օգնել հայտնաբերելու վարակի նշաններ կամ փսխում առաջացնող այլ հիվանդություններ: Կանանց կարող է առաջարկվել հղիության թեստ:

Բժիշկը նաև ուշադրություն կդարձնի ջրազրկման ախտանիշներին, որ գնահատի ձեզ մոտ ջրազրկման ծանրության աստիճանը:

Մարսողական և այլ համակարգերի հնարավոր հիվանդությունները հայտնաբերելու կամ ժխտելու համար բժիշկը կարող է առաջարկել ամենատարբեր հետազոտություններ՝ էնդոսկոպիական, պատկերային, մանրէաբանական և այլն: