Փսխման և դրան նախորդող սրտխառնոցի բուժումը մեծապես կախված են առաջացման պատճառից:
Փսխման դրվագների մեծ մասը կարող է բուժվել տնային պայմաններում:
Այլ դեպքերում, եթե փսխումն առաջացրել է ջրազրկում կամ հանդիսանում է մեկ այլ հիվանդության ախտանիշներից մեկը, առաջանում է ձեր բժշկին դիմելու անհրաժեշտություն: Օրինակ, եթե փսխումներն ի հայտ են եկել քաղցկեղի կամ դրա դեմ տարվող բուժման պատճառով, ձեր բժիշկը կարող է նշանակել դեղամիջոցներ, որ թեթևացնի սրտխառնոցը և փսխումը։ Հղիության հետ կապված սրտխառնոցի և փսխման դեմ ձեր բժիշկը կարող է առաջարկել վիտամին B6-ի հավելումներ, Դոքսիլամին կամ Դոքսիլամինի և Պիրիդօքսինի զուգակցում:
Յուրաքանչյուր անգամ, երբ ցանկանում եք փսխման դեմ որևէ դեղամիջոց ընդունել, նախապես խորհրդակցեք ձեր բժշկի հետ:
Կրկնակի փսխումների պատճառով զարգացած ծանր ջրազրկումը պահանջում է հիվանդանոցային բուժում և ներերակային հեղուկներ։
Հոդվածը հրապարակվել է՝ 18-06-2021
Վերջին վերանայում՝ 22-04-2024