Բուժում - Սրտային անբավարարություն

Սրտային անբավարարությունը քրոնիկ հիվանդություն է, որը պանջում է ողջ կյանքի ընթացքում շարունակվող բուժում:

Ուստի, հիմնական հիվանդությունից կախված, կան բուժման տարբեր ուղիներ։

Սա ձեզ չպետք է հիասթափեցնի, քանի որ բուժման շնորհիվ սրտային անբավարարության գանգատներն ու ախտանիշները կարող են բարելավվել, իսկ սիրտը դառնալ ավելի ուժեղ: Բուժումը կարող է կրճատել սրտային հանկարծամահության ռիսկը և օգնել, որ ապրեք ավելի երկար և բարելավեք ձեր կյանքի որակը:

Բժիշկներին երբեմն հաջողվում է կարգավորել սրտային անբավարարությունը՝ բուժելով պատճառը: Օրինակ, սրտի փականային արատի վիրահատական վերականգնումը կամ հաճախասրտության (տախիկարդիա) վերահսկումը կարող են ետ զարգացնել սրտային անբավարարությունը: Այնուամենայնիվ, մարդկանց մեծ մասի համար սրտային անբավարարության բուժումը ներառում է ճիշտ դեղամիջոցների և երբեմն սրտի կծումների արդյունավետությունը բարելավող որոշ սարքերի խելամիտ համադրումը:

Դեղորայքային բուժում

Բժիշկները սովորաբար սրտային անբավարարությունը բուժում են տարբեր խմբերի դեղերի համակցությամբ: Կախված ախտանիշներից, ձեզ կարող են նշանակել մեկ կամ ավելի շատ դեղամիջոցներ:

Նկատի ունեցեք, որ կարող է առաջանալ դեղաչափերի հաճախակի համապատասխանեցման կարիք, հատկապես, եթե սկսել եք օգտագործել նոր դեղամիջոց կամ հիվանդությունը վատթարացել է:

Սրտային անբավարարության ախտանիշների սրացման դեպքում նաև կարող է առաջանալ հիվանդանոցային բուժման անհրաժեշտություն: Հիվանդանոցում կարող են նշանակվել արագ ազդող լրացուցիչ դեղեր և թթվածնաբուժում:

Սրտային անբավարարության բուժումը վերջնական արդյունք չի տալիս, այլ մեղմացնում է առկա ախտանիշները և կանխարգելում հիվանդության ընթացքի ծանրացումը և նվազեցնում բարդությունների ռիսկը: Վերջին հաշվով, բուժումն ուղղված է կյանքի որակը բարձրացնելուն:

Խիստ կարևոր է, որ նշանակված դեղերն ընդունեք առանց դրանց տեսակները, դեղաչափերը կամ ռեժիմն ինքնուրույն փոփոխելու։ Եթե դուք կարծում եք, որ դեղերը բավարար արդյունավետ չեն, դիմեք այդ հարցով ձեր բժշկին և ինքնուրույն մի դադարեցրեք դրանց ընդունումը։

Վիրահատություն և այլ միջամտություններ

Սրտային սարքերի (իմպլանտ) տեղադրման վիրահատությունը և այլ միջամտությունները կարող են բուժել սրտային անբավարարության հանգեցնող խնդիրները: Դրանցից են՝

• պսակային շունտավորում
• սրտի փականի վերականգնում կամ փոխարինում
• իմպլանտացիոն կարդիովերտեր-դեֆիբրիլյատոր
• սրտային ռեսինխրոնազիացիոն թերապիա
• փորոքային օժանդակող սարքեր
• սրտի փոխպատվաստում: