Skip to main content

Չափահասների ՄԶՑ (BMI) հաշվիչ - Առողջության գործիքներ

Ի՞նչ է մարմնի զանգվածի ցուցանիշը կամ գործակիցը

Մարմնի զանգվածի ցուցանիշը (ՄԶՑ, անգլերեն՝ BMI) հաշվարկը պարզապես թույլ է տալիս հասկանալ, թե ինչպե՞ս է ձեր մարմնի կշիռը համընկնում ձեր մյուս մարմնաչափական տվյալներին: Այն հաշվարկվում է՝ ձեր մարմնի քաշը (կիլոգրամներով) բաժանելով ձեր հասակի (մետրերով) քառակուսու վրա, այսինքն ՄԶՑ = կգ/մ2:

Այս հաշվիչը պետք օգտագործել միայն չափահաս մարդկանց համար (հղի կամ կրծքով կերակրող կանանց պարագայում ՄԶՑ-ի ստանդարտ չափումները դառնում են անօգուտ: Նման դեպքերում, եթե ունեք ձեր մարմնի քաշի հետ կապված մտահոգություն, ապա ճիշտ է ձեր ընտանեկան բժշկին կամ խորհրդատու գինեկոլոգին դիմելը:

ՄԶՑ (BMI) հաշվիչ

Ձեր ՄԶՑ–ն ___: Սա գնահատվում է որպես ____:

Արդյոք ՄԶՑ-ն վստահելի չափում է

Ձեր ՄԶՑ-ն ձեր մարմնի զանգվածի և հասակի հարաբերակցության չափն է: Մարմնի ավելորդ քաշի ճշգրիտ չափումը կարևոր է, քանի որ գիրությունը զգալիորեն բարձրացնում է տարբեր հիվանդությունների զարգացման հավանականությունը (ռիսկը), ներառյալ՝ 2-րդ տիպի դիաբետի (շաքարախտ), սրտանոթային հիվանդությունների և քաղցկեղի: Որքան մարմնի ավելցուկային կշռի կամ գիրության աստիճանը մեծանում է, այդքան վերոնշյալ ռիսկերը բարձրանում են, և ՄԶՑ նպատակը դառնում է ոչ թե այս վիճակները հայտնաբերելը, այլ նիհարումը վերահսկելը:

Առանձին վերցրած ՄԶՑ-ն չի համարվում ճշգրիտ չափում և ունի զուտ ընդհանուր պատկերացում կազմելու նշանակություն: Կարիք չկա ոչ գերագնահատել, ոչ թե թերագնահատել այս ցուցանիշի նշանակությունը: Այնուամենայնիվ, հատկապես երբ ձեզ մոտ գրանցվում է ՄԶՑ-ի բարձր ցուցանիշներ, դուք հավանաբար կարիք կունենաք զրուցելու ձեր բժշկի հետ ձեր քաշի հետ կապված առողջական խնդիրների ռիսկերի և նիհարելու առողջ տարբերակների մասին:

Խնդրում ենք հաշվի առնել նաև, որ որոշ իրավիճակներում ՄԶՑ-ի 25-35 միջակայքում գրանցված ցուցանիշը կարող է չարտացոլել իրական վիճակը: Ստորև ներկայացվում է համանման իրավիճակներից մի քանիսը:

Երեխաներ

Երեխաների մոտ մարմնի ավելորդ քաշը հայտնաբերելու համար օգտվում են այլ՝ մանկական տարիքի առանձնահատկություններին համապատասխանող հաշվիչներից: Բոլոր դեպքերում, եթե ձեր երեխայի քաշի հետ կապված մտահոգություն ունեք, դիմեք ձեր ընտանեկան բժշկին կամ մանկաբույժին:

Հղի կանայք

ՄԶՑ-ի սովորական չափումը դառնում է ոչ ճիշտ, եթե դուք հղի եք:

Եթե դուք խիստ մկանեղ եք

ՄԶՑ-ի գլխավոր նպատակը մարմնի ճարպերի միջինացված քանակը գնահատելն է: Այսինքն, ՄԶՑ ուղղակի կապ է ստեղծում մարմնի քաշի և ավելորդ ճարպերի զանգվածի միջև: Ահա թե ինչու, եթե դուք ունեք մարմնամարզիկին հատուկ մկանեղ կառուցվածք, ապա ՄԶՑ չափումը ձեզ մոտ կարող է տալ ոչ հավաստի արդյունքներ:

Մեծ տարիքով մարդիկ (65-ից բարձր)

60 տ-ից, հատկապես 65-ից սկսած մկաննային զանգվածը սկսում է պակասել, իսկ ճարպային հյուսվածը՝ ավելանալ, ուստի այս տարիքային խմբում ՄԶՑ-ն չի կարող ճշգրտորեն արտացոլել մարմնի ավելորդ ճարպի առկայությունը և չափը:

Մարմնի քաշով պայմանավորված առողջական ռիսկերի այլընտրանքային չափումներ

Եթե կարծում եք, որ ՄԶՑ–ն չի կարող ճշգրտորեն ներկայացնել ձեր քաշի պակասորդային կամ ավելցուկային լինելը կամ որպես ՄԶՑ-ին լրացնող միջոց, դուք կարող եք դիմել մի շարք այլ չափումների, որոնցից ամենահայտնին իրանի որովայնի մասի շրջանագծի չափումն է:

Իրանի շրջանագիծ

Վերջին տասնամյակում անցկացված տարբեր հետազոտություններով ապացուցվել է, որ մարմնի միջին շրջաններում կուտակվող հավելյալ ճարպն առողջական ավելի մեծ վտանգ է ներկայացնում, քան երբ դա առավել ներկայացված է կոնքերում և ազդրերում։ Այլ կերպ ասած, գիրության «տեսակներից» ավելի վտանգավոր է «որովայնային» գիրությունը։ Ուստի, լինելով որովայնի օրգանները ճնշող ներքին ճարպի կուտակման ավելի հաջող գնահատիչ, որոշ հեղինակներ իրանի շրջանագիծը համարում են սրտանոթային հիվանդությունների, իսկ կանանց մոտ՝ 2-րդ տիպի դիաբետի և մետաբոլիկ համախտանիշի ռիսկերի ավելի ճշգրիտ գնահատիչ։

Ինչպե՞ս ճիշտ չափել իրանի շրջանագիծը

  1. Չափիչ ժապավենը անմիջապես հպեք ձեր մաշկին կամ, ծայրահեղ դեպքում, բարակ ներքնաշորի մակերեսին։
  2. Իրանը չափելու ճիշտ մակարդակը ամենաստորին կողի և կոնքոսկրի գագաթի միջնակետն է։ Սա մոտավորապես համապատասխանում է պորտի մակարդակից քիչ ներքև մակարդակին։
  3. Չափումը կատարեք նորմալ (ոչ խոր) արտաշնչելուց հետո։

Ավելորդ քաշի գնահատումը իրանի շրջանագծի միջոցով

  • Տղամարդիկ
    • Բարձրացած ռիսկ ≥ 94 սմ
    • Առողջական բարձր ռիսկ ≥ 102 սմ
  • Կանայք
    • Բարձրացած ռիսկ ≥ 80 սմ
    • Առողջական բարձր ռիսկ ≥ 88 սմ

Կարևոր է իմանալ

Առաջարկում ենք նաև ժամանակ հատկացնել և խորհել այս հարցերի շուրջ։

Սեղմեք այստեղ և անցեք առողջ ապրելակերպի։